Ayşe Polat
Derhêner/Senaryonûs/Çêker
Derhêner, senaryonûs û çêkera fîlman a Alman-Kurd Ayşe Polat li Meletiyê hatiye dinyayê û li Hamburgê mezin bûye.
Piştî çêkirina gelek kurtefîlmên ku xelat wergirtine, di sala 1999’an de derhêneriya fîlma xwe ya metrajdirêj a yekemîn a bi navê Tûra li Derveyî Welêt kiriye. Fîlma wê ya duyemîn a bi navê En Garde di sala 2004’an de li Festîvala Fîlman a Locarnoyê di beşa Fîlma Herî Baş de Leopara Zîvîn wergirtiye.
Paşê jî derhêneriya fîlmên metrajdirêj ên cuda, belgefîlma bi navê Yên Din (2016) û fîlmên cuda yên televîzyonê kiriye. Fîlma wê ya dawîn a bi navê Li Piniya Kor promiyera xwe li Beşa Encountersê ya Berlînaleya 2023’yan kir û ji wê gavê ta niha bi giştî 26 xelat wergirtine.
Hinek ji van xelatan ev in; di Festîvalên Fîlman ên Navneteweyî yên Stenbol û Îzmîrê de “Fîlma Herî Baş”, li Oldenburgê Xelata German Independence û Xelata Fîlma Herî Baş a Roja Zer a Festîvala Fîlmên Kurdan a Londonê. Ji aliyê Akademiya Fîlman a Almanan ve di warên Derhênerî û Senaryonûsiyê de Lolaya Zêrîn, di warê Fîlma Herî Baş de jî Lolaya Bronz wergirtiye. Her wiha di Xelatên Rexnegirên Fîlman ên Alman de xelata Senaryoya Herî Baş, di Xelatên Fîlman ên Bavyerayê de jî xelata Derhênera Herî Baş wergirtiye.
